السّلام عليكم و رحمة الله و بركاته
خلاصة تجربة
[one_whole boxed=”true” centered_text=”true” animation=”Grow In” delay=””]
— * يُقال ؛ “صناعة النجاح فن ” ..
بالأمس ابتدأنا ، كان اليوم غدًا بعيدًا ، و بينما كانت قلوبنا الغضة خائفة تترقب ، تعمل لأجل الحلم الذي بدا في بادئ الأمر مستحيلًا ، سرعان ما تشبثت بنا ثلاثمئة أمنية ملونة أخرى ، و غدًا نصل ، و يصبح اليوم ذكرى جميلة :’) ..
ستّة سستمات تفصلنا عن النّصف الّثاني من الطّريق ، نمضيها بعزم الصّحابة وهمة المحرّريين ، ذلك لأنّ الطّبيب الذي يسكننا ليس مجرد إنسان عادي :’) ~
و كما كنا معكم في كلّ لحظة سبقت ، نعاهدكم أن نستمرّ في تزويدكم بكل ما تحتاجونه ، و كبداية ، نقدّم لكم الحوار التالي عن سيستم الاندوكراين Endocrine system ، و نأمل أن تكون فيه الإجابة لكل الأسئلة الّتي تجول في خاطركم ،،
_______________________
• داخلين السّنة الجاي على ٦ سيستمات ، واضح إنّه رح نبدع :3 ، والدّوام قرّب ومش عارفين إشي عن أوّل سيستم ، فيك تساعدني وترشدني لأنه أنا عزمت على إنه السّنة الجاي تكون غير
° بدايةً ، أغلب الطّلاب بيتحسّن وضعهم على تالتة ، لأنهم بتعلّموا من الأخطاء يلي ارتكبوها بتجربتهم السّيستميّة الاولى ..
وبالنسبة للاندوكراين ، سيستم لطيف وما رح يمرق أسهل منه خلال سيستمات السّنة الجاي ، فاستغلّوه منيح ، وبعدين هو ٦ مواد :3 ، ما في مايكرو ✋
وأكتر الزّخم عالفسيو ثمّ الباثو والفارما ..
• حلو والله ، طيب احكيلي عن منسّقه ودكاترته ؟
° منسّق السّيستم د.محمّد شعبان ، وبالنّسبة للفسيو بدكم تعرفوا إنه الأناتومي والفسيو لهاد السيستم وجهان لعملة واحدة ، بتلاقي نفس المعلومة بالمادتين. والأفضل تبلشوا بالفسيو، و بعدين تزامنا مع الاناتومي بصير كل اشي سهل وممتع.
وهاد الإشي يلي بميّز الاندوكراين إنه المعلومة رح تتكرّر بأكتر من مكان ..
• تمام ، بس والله أسلوب د.شعبان صعب ومش مفهوم كتير :/ ؟
° د.شعبان وبدون مجاملة ببدّع بهاد السيستم و بشرحه بضمير وفهم، وبتفهموا منه كتيير، وفي موضوع بعنوان Receptors and intracellular signaling
أخدناه بسنة أولى، بس منسي تماماً طبعاً، لذلك يفضّل تحضروا لنجيب الفيديوهات تحت هاد العنوان عشان تسهلوا ع حالكم كتير اشياء بالفسيو.
عددهم 4 فيديوهات، ويمكن ما يجي عليهم اكتر من سؤال سؤالين، إلا إنهم الأساس لفهم كل فسيو السيستم هاد كاملاً. ومهمات جداً للبيوكيم.
بالنّسبة لإلي اعتمدت فسيو الاندوكراين من ال BRS وكان خرافي جداً للامتحان وللفهم.
في ناس اعتمدت فيديوهات كابلن، وبحكوا انهم رهيبات لهالسيستم برضو ، وطبعًا الشيتات ضرورية جدا هون..
الأسئلة بتيجي سهلة للفاهم ، وممكن تجاوبوها كلّها ..
• طيّب احكيلي عن الباثو مع د.وسواسي ، سمعت إنه خرافي كتير ؟
° هون رح يصير للباثو طعم ولون و فهم ، رح تتغير حياتكم الباثولوجية، ويصير كل اشي أوضح و أكثر فهماً.
رح تصيروا تداوموا لأجل الباثو مع وسواسي.
د.وسواسي بركز ع الشغلات اللي بتفيدكم بالكلينيكال، وكل اشي مكتوب bold او underlined بسلايداته معناته هاد سؤال.
وكل اشي most common معناته هاد سؤال.
و حضور المحاضرة يضمن فهم وحفظ خرافي، وبضل بس ترجعوا تقرؤوا المحاضرة وراه سريعاً.
كل اشي بحكي عنه مهم فهو سؤال، كل صورة بحكي عنها مهمة ورح تيجي باللاب فهي أيضاً سؤال.
نصيحة للباثو، تعملوا تلاخيص لأنفسكم فيها ال most commons و الاشياء المهمة بالدوسية ، و لوقت الامتحان بتكونوا ضامنين انكم ملخصينها ب 3 صفحات، وبتجاوبوا الأسئلة كللها .
بالنّسبة للاب ، من ضمن المحاضرات نفسها ، مش مفصول وأي صورة بيحكي عنها مهمّة فهي سؤال امتحان ، وأصلًا كلّ الصور على بعضهم بيجوا ٤٠ صورة ؛ فالّلاب بصير مضمون ..
في اللينك هاد في فيديو للّاب ساواه أحد طلاب دفعة ٢٠١٧ ، بس تنقصه بعض السّلايدات :
https://www.youtube.com/watch?v=588bZCvCWaA&hd=1
• شكلنا رح نصير نفهم باثو مزبوط ، الاناتومي مع أي دكتور ؟
° مع د.سعد والمادة جدا بسيطة وصغيرة و بتتضمن الغدد الموجودة بالجسم غدة غدة.
شرح عن كل غدة و وظائفها و هرموناتها وأهمية كل هرمون بالجسم.
امتحان اللاب بتيجي صور من السلايدات وبخاصة صور الهستو و صور من اللاب نفسه.
• ضلّ عنا البيوكيم ، يلي يا دوب نلحّقها unsure emoticon وطبعًا الفارما ما فيكم تفيدونا لأنه جايينا دكتور عراقي جديد من كليّة الصّيدلة حسب آخر المستجدّات !
° البيوكيم مش قليلة، ٧ محاضرات، وهي مصدر رئيسي ومهم جداً للفهم بالاندوكراين.
و كتير اشياء مش رح تفهموها بالفسيو الا بسبب البيوكيم.
• شكرًا جزيلًا ، هيك بكون كوّنت صورة واضحة ، والله يقدّرنا ونتبعكم على خطى الكلينيكال ..
° ولو ، العفو ، وإن شالله بتخلصوا من البيسك على خير ، وبعلم منيح :3 ، وفي هاد لينك فيه شيتات لدفعة ٢٠١٧ ممتازة جدّا بإمكانكم تستفيدوا منها :
[button open_new_tab=”true” color=”Accent-Color” size=”medium” url=”www.mediafire.com/d…/m4i8x56d5hcb0kv/sheet+of+physiology.rar” text=”click here”]
– كلّ الشّكر للزّميلة ؛ سارة علاونة من دفعة نبض على المعلومات القيّمة ..
شفاء ؛ فلنتذكّر “فينا انطوى العالم الأكبر ” ❤!–
[/one_whole]